जमिनीच्या वादातून उक्कडगाव येथे खून

या बाबत अधिक माहिती अशी कीं मयत सर्जेराव मुंढे व महादेव बाजीराव मुंढे यांच्या मध्ये जमिनीचा वाद होता, याबाबत बार्शीतील दिवाणी न्यायालयात दावा देखील चालू होता. हा दावा आपआपसात मिटवला असताना देखील महादेव मुंढे , गणेश मुंढे , व बाजीराव मुंढे हे तिघेजण हा खटला आम्हाला मिटवायचा नाही म्हणून सतत वाद घालत असत, तसेंच विहिरीचे व बोरचे पाणी देखील आम्ही तुम्हाला देणार नाही व जीवे मारु अशी धमकी वारंवार मयत सर्जेराव मुंढे यांना देत असत. मयत सर्जेराव मुंढे हे दिवसभर शेतात काम करून सोमवारी 6 च्या सुमारास घरी आले व नेहमीप्रमाणे थोडया वेळाने घरातून बाहेर पडले व 7:15 च्या सुमारास ही घटना उक्कडगाव येथील जिल्हा परिषद शाळेपासून जवळ घडली. सध्या सर्व संशयीत आरोपी फरार आहेत. या घटनेची नोंद पांगरी पोलीस स्टेशन येथे झाली असून पांगरी पोलीस पुढील तपास करीत आहेत.