मळेगाव येथे क्रांतीज्योती सावित्रीबाई फुले जयंती उत्साहात

मळेगाव:  मळेगाव ता.बार्शी येथे क्रांतीज्योती सावित्रीबाई यांची जयंती उत्साहात साजरी करण्यात आली, सर्व प्रथम सावित्रीबाई फुले यांच्या प्रतिमेचे प्रमुख मान्यवरांच्या हस्ते करण्यात आले.

भारतभूमी महान पुरुषांची भूमी आहे तशीच ही भारतभूमी महान स्त्रियांची सुद्धा भूमी आहे, या भूमीवर अनेक महान स्रियांचा देखील जन्म झाला आहे, यामध्ये सावित्रीबाई फुले यांचा देखील जन्म झाला. प्राचीन काळामध्ये समाजात विविध प्रकारच्या प्रथा रूढ होत्या. जसे बाल विवाह, सती प्रथा, केशवपन अशा सर्व प्रकाराना स्त्रियांना सामोरे जावे लागत असे, त्यामुळे क्रांतिसूर्य महात्मा जोतिबा फुले व सावित्रीबाई फुले यांनी या सर्व प्रकाराना विरोध केला. यानंतर जोतिबा फुले यांनी सत्यशोधक समाजाची स्थापना केली. या समाजकार्यामध्ये सावित्रीबाई फुले या देखील सहभागी होऊन सहकार्य करू लागल्या.1875 मधील दुष्काळग्रस्थ भागातील लोकांना अन्नछत्र चालवून सत्यशोधक समाजाने आश्रय दिला. प्लेगच्या साथीमध्ये देखील सावित्रीबाई फुले यांचे कार्य मोलाचे राहिले म्हणून या महान स्त्रीचा जन्म दिवस सावित्री उत्सव दिन म्हणून साजरा करण्यात येतो.

यावेळी जि.प.प्रा.शाळेचे शिक्षक विठ्ठल कोकरे, दत्तात्रय कुंभार, सावता परिषदेचे युवक अध्यक्ष अशोक माळी, माळी समाज सेवा संघाचे संपर्क प्रमुख कल्याण माळी, युवा नेते नागेश कोळी, पप्पू दीक्षित, अंगणवाडी सेविका सविता सरवदे, शोभा दीक्षित,आश्विनी दळवी आदी प्रमुख मान्यवर व ग्रामस्थ उपस्थित होते.