शिवजयंती निमित्त उडान फाऊंडेशनच्या वतीने आठ दिवसांसाठी रुग्ण वाहिका मोफत

बार्शी: दि. २१ फेब्रुवारी रोजी सांयकाळी ५.३० वाजता शाहीर अमर चौक येथील उडान फाऊंडेशनच्या वतीने छत्रपती शिवाजी महाराज जयंती उत्सव साजरा करण्यात आला. लॉकडाऊन काळात काम करत असताना रूग्णवाहिकेची कमतरता भासल्याने उडान फाऊंडेशन ने रुग्ण वाहिका खरेदी करण्याच्या निर्णय घेतला. बार्शी शहरामध्ये मागील ५ वर्षापासून सामाजिक क्षेत्रात उल्लेखनिय कार्य करत असलेली मुस्लीम मावळ्यांची उडान फाउंडेशन ही संघटना. या संघटनेने शिवछत्रपतीचा आदर्श घेऊन प्रत्यक्षात कृतीमध्ये उतरवण्याचा प्रयत्न करत आहे. त्याचाच एक भाग म्हणून उड़ान फाऊंडेशनने शिवजयंती निमित्त आपल्या रुग्णवाहिकेचे लोकार्पण केले. तसेच समाजातील गरजू लोकांना पूढील आठ दिवस पूर्णपणे मोफत देऊन शिवजंयती वेगळ्या पद्धतीने साजरी करत सबंध महाराष्ट्रात एक आदर्श निर्माण केला. या उदात्त संकल्पनेतून सर्वांसाठी ना नफा ना तोटा तत्वावर माफक दरात रुग्णवाहिका उपलब्ध करून दिली आहे.

याप्रसंगी कोरोना काळात वैद्यकीय सेवेतून एक प्रकारे समाजाची सेवा करणारे वैद्यकीय क्षेत्रातील डॉ. अमित पडवळ, डॉ. संदीप पाटील, डॉ. अमृतराज जाधव, डॉ. मौला शेख, डॉ. अंगारशा तसेच उद्योजक हाजी इक्बाल पटेल, जय शिवराय प्रतिष्ठांचे अध्यक्ष विजय राऊत, छत्रपती गुपचे अध्यक्ष अजय पाटील, ॲड. अविनाश जाधव, गणेश नान्नजकर, किरण कोकाटे, कृष्णा उपळकर आदी मान्यवरांचा उपस्थित हा कार्यक्रम संपन्न झाला.

कार्यक्रम यशस्वी करण्यासाठी अध्यक्ष इरफान शेख, उपाध्यक्ष इलियास शेख, जाफर शेख,  सल्लागार युनूस शेख, कार्याध्यक्ष शकिल मुलाणी, खजिनदार शोएब काझी, सदस्य साजन शेख, मोहरसीन पठाण, रियाज बागवान, राजू शिकलकर, ॲड. रियाज़ शेख, रॉनी सय्यद, मोईन नाईकवारडी, इक्वाल शेख, इरफान बागवान, जिलानी शेख, मुन्ना बागवान,अयूब शेख, मुज़म्मिल जावडेकर, तौसिफ बागवान, वसिम मलाणी, जमिर तांबोळी, सादीक काझी, अल्ताफ शेख, मोहसीन मलीक, एजाज शेख, बाबा शेख, जावेद शेख, शाहीद शेख आदींनी परिक्षण घेतले. कार्यक्रमाचे सुत्रसंचालन संघटनेचे सचिव जमिल खान व आभार प्रदर्शन सल्लागार शब्बीर वस्ताद यांनी केली.