मळेगाव: मळेगाव ता बार्शी येथे कोरोना विषाणूसंदर्भात मळेगाव ग्रामपंचायतीच्या वतीने जनजागृती करण्यात आली. कोरोना व्हायरसने पुन्हा एकदा डोके वर काढले आहे. देशामध्ये अनेक रुग्ण कोरोनाचे सापडत आहेत. लोकांनी मास्क न वापरणे, सोशल डिस्टनसिग न पाळणे, साबणाने हात न धुणे आशा हलगर्जीपणामुळे कोरोना वाढत आहे. मळेगाव मध्ये देखील कोरोनाचे काही रुग्ण सापडले आहेत. त्यामुळे सरपंच संजयकुमार माळी यांच्या मार्गदर्शनाखाली ग्रामपंचायत ने जनजागृती करण्यास सुरवात केली आहे. जे कोणी विनामास्क दिसतील त्या व्यक्तीला दंड आकारण्यास सुरवात केली आहे. त्यामुळे दंडाच्या भीतीने लोकानी मास्क वापरण्यास सुरवात केली आहे. या जनजागृती साठी सरपंच संजयकुमार माळी, पोलीस पाटील ज्ञानेश्वर माळी, ग्रामसेवक शिवाजीराव गायकवाड, तंटामुक्त समितीचे अध्यक्ष दिलावर शेख, ग्रा.प.सदस्य समाधान पाडुळे, सामाजिक कार्यकर्ते अशोक माळी, विठ्ठल कोकरे, कांता थोरात, अनिल खुळे, सुलभ नादवटे, सुरेश कांबळे, प्रशांत पटणे, रुकुम आडगळे, दादा आपुणे आदी यावेळी उपस्थित होते.