बार्शीत घरफोडी; ५२ हजाराचा ऐवज लंपास

फिर्यादीत म्हटले आहे की,  ते राहत असलेल्या घराच्या खालच्या मजल्यावर त्यांचे आईवडील राहणेस असून ते कुटुंबासह वरिल मजल्यावर राहतात. दुपारच्या सुमारास त्यांची आई वडिल हे परळी येथे लग्न असल्यामुळे गेले होते. त्यांनी घरातून जातेवेळी घराचे दरवाजाला कुलुप लावून घर बंद केले होते. त्यानंतर आज सकाळी साडे आठच्या सुमारास दुध घेवून येणाऱ्या गवऴी याने सांगितले की घराचे खालील मजल्यावरिल दरवाजास फक्त कडी लावलेली दिसत आहे. यामुळे ते व त्यांची पत्नी असे दोघेजण खालच्या मजल्यावरिल मुख्य दरवाजा उघडुन आतमध्ये जावून पाहिले असता हाॅलमधील दोन्ही लोखंडी कपाटाचे दरवाजे उघडे होते. तसेच घरातील इतर किरकोळ सामान अस्ताव्यस्त पडलेले दिसले. तसेच लोखंडी कपाटातील सोन्याचे दागिनेसह लाॅकरमधील रोख रक्कम व मोबाईल हँन्डसेट चोरी गेल्याचे समजले. अधिक तपास पोलीस करीत आहेत.