कुतूहल न्यूज नेटवर्क
बार्शी : काटेगाव तालुका बार्शी येथे असणाऱ्या आयएसओ (ISO)अंगणवाडीच्या सिमेंट काँक्रीट छताचे प्लास्टर ढासळे आहे व आतील बाजूस भिंतीला मोठ मोठ्या भेगा पडल्या आहेत आतील बाजूस असणाऱ्या छताचे प्लास्टर फुगले आहे त्यामुळे ते छताचे प्लास्टर पावसाळ्यात कधीही कोसळू शकते.
काटेगाव येथील आयएसओ (ISO) अंगणवाडीची ३ वर्षातच दुरावस्था
लॉकडाऊन असल्यामुळे शाळा बंद आहेत त्यामुळे होणारा अपघात टळला परंतु काटेगाव ग्रामस्थाकडून या अंगणवाडीत आपली मुले पाठवण्यास पूर्वीपासूनच विरोध आहे त्याचे कारण ही तसेच आहे. या पूर्वी ही अंगणवाडी मारुती मंदिराजवळ होती आता हीच नवीन अंगणवाडीची इमारत नदीच्या वरच्या बाजूस बांधण्यात आली. अंगणवाडी शेजारीच मोठी गटार आहे या गटारीतून पावसाळ्यात नदी नाल्या सारखे पाणी वाहते यामुळे मुलांच्या जीवाला धोका निर्माण होण्याची शक्यता नाकारता येत नाही.
आयएसओ (ISO) अंगणवाडीच्या उद्घाटन समारंभाला तत्कालीन गटविकास अधिकारी यांच्या उपस्थितीत मोठा कार्यक्रम घेण्यात आला होता. परंतु सध्या परिस्थिती पाहता मुलांकडे व अंगणवाडीकडे कोणाचे लक्ष्य आहे कि नाही असा सवाल पालक वर्ग विचारत आहे. या संदर्भात पालकांनी गटविकास अधिकारी यांना तक्रारी अर्ज करणार असल्याचे सांगितले. ज्यावेळेस छताचे प्लास्टर पडले होते या मध्ये मुलांची काही दुर्घटना झाली असती तर त्याची जबाबदारी कोण घेणार होते असा प्रश्न आता पालकवर्ग विचारत आहे. परंतु ३ वर्षा मध्येच अंगणवाडीची दुरवस्था होण्यास सुरुवात होणे म्हणजे कामात झालेला गहाळ पणा दर्शवित आहे, यावर वरिष्ठ अधिकारी आता काय कार्यवाही करणार याकडे सर्व काटेगाव ग्रामस्थाचे लक्ष्य लागले आहे.