दक्षिण कोकणातील हर्णेपासून सोलापूरपर्यंत मॉन्सूनचे आगमन

३ जून रोजी केरळमध्ये आगमनानंतर मॉन्सूनने शुक्रवारपर्यंत कर्नाटकातील कारवारपर्यंत वेगवान वाटचाल केली होती. आज त्यात आणखी प्रगती केली असून गोव्यासह कोकणातील हर्णे तसेच दक्षिण मध्य महाराष्ट्रातील सोलापूर व लगतच्या मराठवाड्यातील काही भागापर्यंत मजल मारली आहे. 

हवामान विभागाने जाहीर केलेल्या नव्या वेळांनुसार दक्षिण कोकण, ७ जून, कोल्हापूर ९ जूनपर्यंत मॉन्सूनचे आगमन होत असते. यंदा मात्र, मॉन्सून लवकर दाखल झाला असून त्याच्या निर्धारित वेळेपूर्वीच महाराष्ट्रात प्रवेश केला आहे.