बार्शी : कुर्डूवाडी रस्त्यावर आयशर व टिपरच्या झालेल्या भीषण अपघातात आयशर चालक ठार तर एक गंभीर जखमी झाला. बार्शी कुर्डूवाडी रोडवर सुमारे १२ वाजताच्या दरम्यान भीषण अपघात झाला आहे. हा अपघात इतका भीषण होता की, अपघातात आयशर चालक जागेवर ठार झालेला असून, दुसरा टिप्पर चालक गंभीर जखमी आहे. या भीषण अपघातामध्ये दोन्ही गाड्यांचे समोरासमोर धडक होऊन मोठ्या प्रमाणात नुकसान झाले आहे. त्यामुळे बार्शी कुर्डूवाडी रोड वर होणारी वाहतूक देखील ठप्प झाली होती. घटनास्थळी स्थानिक नागरिकांनी धाव घेतली. बार्शी येथील तालुका पोलीस स्टेशन येथे कळविण्यात आले आहे.