आयुष्यात कधीही दारु न पिणाऱ्या व्यक्तींचा ग्रामपंचायतीच्या वतीने सन्मान

कुतूहल न्यूज नेटवर्क
बार्शी: बार्शी तालुक्यातील गौडगाव येथे स्वातंत्र्यदिनाचे औचित्य साधून चाळीशी ओलांडणाऱ्या आयुष्यात कधीही दारु न पिणाऱ्या  २५ ग्रामस्थांचा ग्रामपंचायतीच्या वतीने सन्मानपत्र व पुष्पगुच्छ देऊन सन्मान करण्यात आला. उल्हासनगर महानगरपालिकेचे मुख्य लेखाधिकारी विकास चव्हाण व गौडगांवचे सरपंच स्वाती पैकेकर यांच्या उपस्थितीत हा सन्मान करण्यात आला. यावेळी व्यसनमुक्ती उपचार व संशोधन केंद्रातील डॉ. मृणालिनी मोरे, सामाजिक कार्यकर्ते राहुल भड, ग्रामपंचायत सदस्य नागेश काजळे, सुशांत सुरवसे, मदन आरगडे, भास्‍कर काकडे, प्रभाकर भड, निखिल देशमुख, रघुनाथ गरड, बालाजी भड आदीं उपस्थितीत होते.