माऊली पतसंस्था पांगरीच्या चेअरमनपदी वशिष्ठ गोरे यांची बिनविरोध निवड
कुतूहल न्यूज नेटवर्क
बार्शी: माऊली पतसंस्था पांगरीच्या चेअरमनपदी वशिष्ठ गोरे यांची तर व्हा. चेअरमनपदी विलास जाधव यांची बिनविरोध निवड करण्यात आली. ही निवड हॉटेल निकिता, बार्शी येथे निवडणूक निर्णय अधिकारी तथा सहाय्यक निबंधक सहकारी संस्था बार्शी, अनिस सय्यद यांच्या अध्यक्षतेखाली पार पडली.
चेअरमन व व्हा. चेअरमन पदासाठी प्रत्येकी एकच अर्ज आल्यामुळे ही निवड बिनविरोध जाहीर करण्यात आली. निवडणूक निर्णय अधिकारी सय्यद यांनी निवडीची अधिकृत घोषणा केली.
निवडीनंतर चेअरमन वशिष्ठ गोरे यांचा सत्कार सय्यद केला, तर व्हा. चेअरमन विलास जाधव यांचा सत्कार लेखापरीक्षक काळराने यांनी केला.
संस्थेच्या संचालकपदी राहुल माळवदे, विष्णू गाढवे, विकास काळे, संजय जगताप, दत्तात्रय दडपे, गोकुळ दराडे, मारुती काकडे, सुनंदा गोरे, आणि प्रीती जाधव यांची निवड करण्यात आली.
या सभेचे सूत्रसंचालन महेश जगताप यांनी केले तर आभार प्रदर्शन रवींद्र जाधव यांनी मानले.