कारी परिसरात पावसाची हजेरी, द्राक्ष बागा संकटात

कुतूहल न्यूज नेटवर्क
उस्मानाबाद : आसिफ मुलाणी
मागील आठ ते दहा दिवसांपासून ढगाळ वातावरण आहे. कारीसह परिसरातील अनेक गावांमध्ये रविवारी पावसाने हजेरी लावली. हा पाऊस ज्वारी, मका, गहू या पिकांना जीवदान मिळाले आहे. परंतु द्राक्ष उत्पादक शेतकरी मात्र या पावसामुळे चिंतेत पडला आहे. कारी परिसरात द्राक्ष बागेचे क्षेत्र मोठ्या प्रमाणात आहे. गेल्या काही दिवसांपासून असलेल्या ढगाळ वातावरणामुळे द्राक्ष बागावर दावणी, भुरी रोगांचा प्रादुर्भाव वाढला आहे. तसेच द्राक्षावर रोग पडला आहे. यामुळे सकाळ- संध्याकाळ महागड्या बुरशीनाशकांची फवारणी करावी लागत असल्याने उत्पादन खर्च वाढणार आहे. मात्र आणखी जर असाच पाऊस आणि ढगाळ वातावरण राहिले तर द्राक्ष उत्पादनावर परिणाम होण्याची भीती शेतकऱ्यांनी व्यक्त केली आहे.