कोयता घेऊन फेसबुकवर हवा करणाऱ्या डॉनला पोलिसांनी ढसाढसा रडवलं

स्वप्नील उर्फ युवराज सुरेश गायकवाड (वय-23) असं या सोशल मीडिया डॉनचं नाव असून तो उरुळी कांचन (ता. हवेली) येथील रहिवासी आहे. काही दिवसांपूर्वी आरोपी गायकवाडनं सोशल मीडियावर हवा करण्यासाठी हातात कोयता घेतलेला फोटो फेसबुकवर शेअर केला होता. या फोटोसोबत त्यानं दशहत पसरवणारा मजकुर देखील पोस्ट केला. काही दिवसांनंतर पिंपरी चिंचवड गुन्हे शाखेच्या सायबर विभाग आणि गुंडा विरोधी पथकाच्या ही बाब निदर्शनास आली. त्यामुळे या तरुणाची दहशत मोडून काढण्यासाठी पोलिसांनी त्यांची उचलबांगडी केली आहे.