कुतूहल न्यूज नेटवर्क
बार्शी प्रतिनिधी : पांगरी ता.बार्शी येथील सुहास भिमराव देशमुख यांची भाजप बार्शी तालुका उपाध्यक्ष पदी एकमताने निवड करण्यात आली आहे.त्यांना निवडीचे पत्र भारतीय जनता पार्टीचे सोलापूर जिल्हाध्यक्ष श्रीकांत देशमुख यांच्या हस्ते देण्यात आले.
भाजप बार्शी तालुका उपाध्यक्ष पदी सुहास देशमुख यांची निवड
सुहास देशमुख हे एक दशकापासून पांगरी तंटामुक्त समितीचे अध्यक्ष आहेत तसेच पांगरी पंचक्रोशीसह बार्शी तालुक्यात त्यांचे राजकीय वर्चस्व आहे. भविष्य काळात पंतप्रधान नरेंद्र मोदी, भाजपाचे राष्ट्रीय अध्यक्ष जे. पी.नड्डा,भारतीय जनता पार्टीचे प्रदेश अध्यक्ष चंद्रकांतदादा पाटील,विरोधीपक्ष नेते व माजी मुख्यमंत्री देवेंद्र फडणवीस, सोलापूर जिल्हा अध्यक्ष श्रीकांत देशमुख व बार्शी तालुक्याचे आमदार राजेंद्र राऊत यांच्या मार्गदर्शनाखाली पक्षाचे घ्येय धोरणे, केंद्राच्या विविध योजना तळागाळापर्यंत पोहोचवून तालुका भाजपमय कराल अशी आशा मदन दराडे यांनी व्यक्त केली आहे.
यावेळी आमदार राजेंद्र राऊत, बार्शी तालुका अध्यक्ष मदन दराडे, बाजार समितीचे संचालक शिवाजी दादा गायकवाड, पंचायत समितीचे सभापती अनिल डिसले , शहराध्यक्ष महावीर कदम आदी पदाधिकारी उपस्थित होते.