भाळवणीत शोकसभेचे आयोजन करून सुधाकरपंत परिचारक व राजुबापू पाटील यांना वाहिली श्रद्धांजली

भाळवणी : पंढरपूर तालुक्यातील भाळवणी येथे पंढरपूर तालुक्याचे माजी आमदार, महाराष्ट्र राज्य परिवहन महामंडळाचे माजी अध्यक्ष,पांडुरंग साखर कारखान्याचे चेअरमन सुधाकरपंत परिचारक व राष्ट्रवादी काँग्रेसचे सोलापूर जिल्हा कार्याध्यक्ष राजूबापू पाटील यांचे दु:खद निधन झाल्यामुळे येथील शाकंभरी देवीच्या सभा मंडपात सर्व ग्रामस्थांच्या वतीने शोक सभेचे आयोजन करण्यात आले होते.

यावेळी शिवसेना पंढरपूर विभाग जिल्हाप्रमुख संभाजी शिंदे म्हणाले, सुधाकरपंत परिचारक व राजुबापू पाटील यांच्या आकस्मित जाण्याने पंढरपूर तालुक्यातील राजकीय, सामाजिक, सहकार, शिक्षण क्षेत्रात फार मोठी पोकळी निर्माण झाली आहे. ती कधीही भरून निघणार नाही.त्यांना शिवसेना, श्री विठ्ठल रुक्मिणी मंदिर समिती, पंचायत समिती च्या वतीने भावपूर्ण श्रद्धांजली अर्पण करतो.

यावेळी इस्माईल मुलाणी, भगवान चौगुले, हरिभाऊ शिंदे, शिवाजी गवळी, ज्ञानेश्वर गवळी, सरपंच धोंडीराम शिंदे, उपसरपंच अंबादास कुचेकर, कारखाना कर्मचारी, पांडुरंग परिवार व ग्रामस्थ उपस्थित होते.