बार्शी तालुक्यातील कव्हे येथे उधारीचे पैसे मागितल्याने दोघांना मारहाण

याबाबत जखमी आयशा फरिद शेख (वय ४०) रा. कव्हे ता. बार्शी यांनी फिर्याद दाखल केली आहे. गावातील संतोष नागय्या गुत्तेदार तेलंग याने वेळोवेळी फिर्यादीकडून उधारीवर मासे नेले होते. त्याचेकडे तीन हजार रुपये उधारी झाली होती. दि. २९ ऑगस्ट सायंकाळी साडे पाचचे सुमारास फिर्यादी मासेविक्री करीत असताना  गावातील संतोष  गुत्तेदार तेलंग हा त्याठिकाणी आला त्यावेळी त्यास उधारीचे पैसे मागीतले असता त्याचा राग आल्याने संतोष याने तेथेच पडलेली काठी फिर्यादीच्या पाठिवर मारली. तेवढ्यात तेथे फिर्यादीचे पती आले असता संतोष नागय्या गुत्तेदार तेलंग व त्याचा मित्र (नाव माहीत नाही) या दोघांनी काठीने पती फरिद शेख यांना मारहाण केली. त्यामुळे फिर्यादीचे पतीच्या डोक्यास जखम झाली आहे. त्यानंतर ते शिवीगाळ करत तेथुन निघुन गेले.