जेष्ठ नागरिकाला धडक देवून दुचाकीस्वार फरार

बार्शी : बागेत व्यायाम करून सायकलवरून घरी परतणाऱ्या सेवानिवृत्त अभियंताला भरधाव वेगातील अज्ञात दुचाकीस्वाराने जोरदार धडक देवून दुचाकीस्वार ने पलायन केल्याची घटना अलीपूर रस्त्यावर घडली आहे.

किसन चंद्रहर जाधव (वय ६९ वर्षे), रा.सुदर्शन बंगला पोलीस ग्राऊंड,शिवाजीनगर बार्शी यांनी शहर पोलीस ठाण्यात फिर्याद दिली आहे. ते नेहमीप्रमाणे सायकलवरुन अहिल्याबाई होळकर बागेत व्यायाम करनेसाठी गेले होते. व्यायाम करुन परत सायकलवरुन ते घराकडे जात असताना अलिपुर रोडवर तलाठी कार्यालयाचे जवळ अलिपुर गावाकडुन एक मोटार सायकलस्वार वेगात राँग साईडला येवून त्यांच्या सायकलला जोरात धडक दिली. त्यामुळे ते सायकलसह रोडवर पडले. तसेच धडक दिलेला मोटार सायकलस्वार ही सायकल पासून जवळ त्याचे मोटारसायकलसह रोडवर पडला. अपघात झाल्याचे पाहून आजुबाजुचे लोक तेथे जमा झाले. त्यापैकी काही लोकांनी फिर्यादीला जखमी अवस्थेत उठवुन बसविले त्यानंतर त्यांना सुविधा हॉस्पिटल मध्ये आणून उपचारास दाखल केले. फिर्यादीचा मुलगा घटनास्थळी येण्याअगोदरच  धडक दिलेला मोटार सायकलस्वार तेथून त्याची मोटारसायकल घेवुन पळुन गेला. त्याने दिलेल्या धडकेमुळे उजवे पायास नडगीस जखम झाली असून तसेच गुडघ्याजवळ फ्रक्चर झाल्याचे डॉक्टरांनी सांगितले आहे.  धडक दिल्यानंतर लागलेल्या माराचे दुखण्यामुळे मी धडक दिलेल्या मोटारसायकलचा नंबर पाहिला नाही परंतु मी मोटारसायकल स्वारास पाहिले असुन तो १८ ते २० वर्षे वयाचा मुलगा आहे, त्यास मी तो समोर आल्यास ओळखतो. घडलेप्रकाराबाबत अनोळखी मोटारसायकल स्वाराच्या विरुध्द गुन्हा दाखल करण्यात आला आहे.अधिक तपास पोलीस करीत आहेत.