बार्शी प्रतिनिधी,दि.२९ नोव्हेंबर : वैराग – सोलापूर रोडवर वैराग पासून सुमारे ५ किलोमीटर अंतरावरील (बंडेवार विहीर ) ठिकाणी रविवारी दुपारी सव्वा एक च्या सुमारास टेम्पो (छोटा हत्ती ) – एसटी बस व क्रेन यांचा अपघात होऊन ड्रायव्हरसह बसमधील प्रवाशी जखमी .झाले .यामध्य्ये ५ गंभीर तर १० किरकोळ जखमी झाले आहेत .
वैराग – सोलापूर रोडवरील टेम्पो,एसटी बस व क्रेन अपघातात ५ गंभीर तर १० किरकोळ जखमी
सध्या बार्शी – सोलापूर नवीन महामार्गाचे काम प्रगतीपथावर सुरू आहे . त्यामुळे शेळगाव ते वैराग रस्ता सध्या खोदाई , मुरूम टाकून भरणे , साईडपट्टीची रुंदी वाढविणे तसेच रोडच्या दुतर्फा कडेची झाडे तोडणे अशी कामे चालू आहेत . आज रविवार २९ रोजी दुपारी सव्वाएक वाजण्याच्या सुमारास वैरागहून सोलापूरच्या दिशेने बेकरी साहित्य घेऊन निघालेला टेम्पो (छोटा हत्ती ) बंडेवार विहीर येथिल पुलाजवळ आला असता पाठीमागून एसटी बसने धडक दिल्याने समोरील क्रेनवर आदळून पलटी झाला . बार्शी – सोलापूर विनाथांबा बसचा ब्रेक फेल झाल्याने टेम्पोला ओव्हरटेक करताना धडक बसून समोरील वाहन चुकवत बस झाडावर आदळली . यामुळे एसटीतील काही प्रवासी जखमी झाले आहेत . अपघातामध्ये एसटी ड्रायव्हर विजय स्वामी, वय ४६ ( रा .वडाळा ) टेम्पो वाहन चालक गोवींद वाघमारे, वय – ३५ (वैराग ) क्रेन चालकाने जखमी झाले. जखमींना वैराग ,बार्शी , सोलापूर येथे उपचारासाठी नेण्यात आले . या अपघातामुळे सुमारे एक तास वाहतूक खोळंबली होती .पोलीस पाटील सुधाकर देवकते , अमर करंडे आदींनी टेम्पोत अडकलेल्या ड्रायव्हरला बाहेर काढून मदत केली.