कुतूहल न्यूज नेटवर्क
बार्शी: येथील भीमनगर शेजारील सिद्धार्थ नगर येथे विद्युत डीपीमुळे नविन उभारलेल्या समाजमंदिरास अडथळा निर्माण होत आहे. त्यामुळे तो डीपी.दुसरीकडे स्थलांतरित करण्याची मागणी वंचित बहुजन आघाडीचे नेते विवेक गजशिव यांनी महावितरणचे कार्यकारी अभियंता सुरेश कुराडे यांना अर्जाद्वारे केली असल्याची सांगितले.
महावितरणच्या विरोधात तीव्र आंदोलनचा वंचितचे नेते विवेक गजशिव यांचा इशारा
भीमनगर व सिद्धार्थ नगर येथील नागरिकांच्या लोकभावनेकडे कार्यकारी अभियंता कुराडे यांनी दुर्लक्ष केल्याने आम्हाला आंदोलनाचे पाऊल उचलावे लागत असून दि. २३ मे रोजी बार्शी तहसील कार्यालयासमोर समाज बांधवांना घेऊन उपोषण करणार असल्याचे गजशिव यांनी सांगितले. यावेळी भीमनगर, सिद्धार्थ नगर सोबत शहरी व ग्रामीण भागातील ज्या घरांवरून विद्युत तारा गेल्या आहेत तेथे प्लास्टिक पाईप टाकण्याची मागणी केली. तसेच रोडच्या मध्ये येणारे लाईटचे पोल काढण्याची मागणीही करण्यात आली. मागण्यांकडे दुर्लक्ष केल्यास तीव्र आंदोलानास सामोरे जाण्याची तयारी महावितरण कार्यालयाने ठेवावी असा इशाराही यावेळी गजशिव यांनी दिला.
(Vivek Gajashiv’s warning of intense agitation against MSEDCL)